اسلام آباد۔28جون(اے پی پی) قومی اسمبلی آندے مالی سال 2024-25 دا 18 ہزار 887 ارب روپے دا وفاقی بجٹ منظوری کر ڳھدے، گریڈ 16 تئیں دے سرکاری ملازمین دی تنخواہیں اچ 25، گریڈ 17 توں گریڈ 22 تئیں دے ملازمین دیان تنخواہیں20 فیصد ڄݙاں جو پنشن 15 فیصد ودھائی ڳئی اے، نویں بجٹ اچ کتاباں، نیوز پرنٹ، دل دے مریڄاں کیتے سرجیکل آلات، سسٹنٹس اتے ٻئے طبی آلات و اشیاء تے ٹیکس چھوٹ برقرار رکھی گئی اے، برآمدات کیتے مقامی خریداری تے وی ٹیکس چھوٹ ݙتی ڳئی اے، اساتذہ، تحقیق، زرعی شعبے اچ استعمال تھیوݨ آلے مداخل تے ٹیکس استثنیٰ برقرار رہسن۔ سرکاری شعبہ دے ترقیاتی پروگرام دا مجموعی حجم 1500 ارب روپے رکھی گئے، سبسڈیز دا حجم 1363 ارب روپے، مجموعی گرانٹس دا حجم 1777 ارب روپے تھی ڳعے، ڳھٹ توں ڳھٹ تنخواہ 32 ہزار توں ودھا تے 37 ہزار روپے کر ݙتی گئی، ٹیکس محصولات دا ہدف12970 ارب روپے، دفاعی ضروریات کیتے 2122 ارب روپے رکھیے ڳن، اقتصادی ترقی دی شرح 3.6 فیصد رکھݨ دا ہدف اے۔ جمعہ کوں قومی اسمبلی اچ مالیاتی بل دی منظوری نال فروری 2024 دے انتخابات دے بعد مخلوط حکومت دا اے پہلا بجٹ اے، بجٹ اچ معیشت اچ نجی شعبہ کوں اہمیت ݙیندے خسارے کوں ڳھٹاوݨ، منصفانہ ٹیکس پالیسی نال آمدنی ودھاوݨ اتے غیر ضروری اخراجات ڳھٹاوݨ کیتے اقدامات شامل ہین۔ بجٹ اچ توانائی دے شعبے اچ پیداواری لاگت اتے مہنگائی اچ کمی کیتے اقدامات شامل ہین، بجت اچ مجموعی قومی پیداوار دے تناسب نال ٹیکس شرح اچ ودھارا تے ٹیکساں دے نظام اچ اصلاحات پاتیاں ڳن، حکومت وفاقی بجٹ اچ ملک دے مجموعی وسائل ودھاوݨ کیتے صوبائی حکومتاں نال رل تے کم کرݨ دا عزم کیتا ڳئے۔ صوبائی حکومتاں نال جامع قومی مالیاتی معاہدہ دی تجویز وی شامل اے۔ بجٹ اچ پنشن نظام اچ اصلاحات، وفاقی حکومت دیان آسامیاں مکاوݨ، کاروباری سرگرمیاں اتے برآمدات ودھاوݨ کیتے ریگولیٹری فریم ورک سوکھا کرݨ، سرمایہ کاری بورڈ دے تحت پاکستان ریگولیٹری ماڈرنائزیشن اینیشیٹو دے تحت آٹومیشن نال کاروبار اچ بہتری، ای پروکیورمنٹ نال سرکاری اخراجات اچ 10 توں 20 فیصد کمی کیتی ویسی۔ بجٹ اچ نویں ملازمین کیتے کنٹربیوٹری پنشن سکیم متعارف کراوݨ سودھا بی آئی ایس پی دے بجٹ 27 فیصد ودھائے، کفالت پروگرام نال ہݨ 93 لکھ دی بجائے ہک کروڑ لوک فیدہ چیسن، تعلیمی وظائف اچ ٻئے 10 لکھ ٻال درج کتیے ویسن، اعظم کسان پیکیج کیتے 5 ارب روپے رکھین، گردشی قرضے، بجلی دی تقسیم اچ بہتری دے اقدامات، کارکردگی ودھاوݨ تے عمل تھیسی، این ٹی ڈی سی دی تنظیم نو، ، 9 ڈسکوز اتے جینکوز دی نجکاری اچ تیزی، قابل تجدید توانائی تے منتقلی سودھا توانائی دے شعبہ کیتے ترقیاتی بجٹ اچ 253 ارب روپے رکھیے ڳن۔ آبی وسائل کیتے 206 ارب روپے، آئی ٹی سیکٹر کیتے 79 ارب روپے، فیڈرل بورڈ آف ریونیو اچ ڈیجیٹلائزیشن و اصلاحات کیتے 7 ارب روپے، پاکستان سافٹ ویئر ایکسپورٹ بورڈ کیتے 2 ارب روپے، تعلیم و تحقیق سانڳے ای لائبریریاں ٻݨسن، پرائیویٹ سکولاں اچ طلبہ کیتے ایجوکیشن ووچر سکیم ڳھدی ویسی، ترسیلات زر سانڳے 86.9 ارب روپے مختص کیتے ڳن۔ بیرون ملک مقیم پاکستانیوں دی غیر ملکی خدمات سانڳے محسن پاکستان ایوارڈ متعارف کرایا ویسی، ایکسپورٹ ری فنانس سکیم کیتے 13 ارب 80 کروڑ روپے رکھیے ڳن، موسمیاتی تبدیلی کیتے پاکستان کلائمیٹ چینج اتھارٹی فعال کیتی ویسی، نیشنل کلائمیٹ فنانس سٹرٹیجی اکتوبر 2024 تک ٻݨ ویسی، ای بائیکس کیتے 4 ارب، توانائی بچت دے پکھیآں کیتے 2 ارب روپے رکھین۔ غیر دستاویزی معیشت مکائی ویسی۔(MJM-DSK)
