لندن۔4جولائی (اے پی پی) چیمپئنز آف لیجنڈ کرکٹ ٹورنامنٹ اچ کل ݙو میچ کھیݙیے ویسن۔ پہلا میچ آسٹریلیا چیمپئنز اتے جنوبی افریقا چیمپئنز وچال ایجبسٹن ،برمنگھم اچ کھیݙیا ویسی، آسٹریلیا چیمپئنز کوں فاسٹ بائولر بریٹ لی لیڈ کریندے پئن جڈانجو جنوبی افریقا چیمپئنز ٹیم کوں جیک کیلس لیڈ کریندے پئن۔ جمعے کوں ݙوجھا میچ بھارت چیمپئنز اتے ویسٹ انڈیز چیمپئنز وچال ایجبسٹن ،برمنگھم اچ کھیݙیا ویسی۔ بھارت چیمپئنز کوں آل رائونڈر یوراج سنگھ لیڈ کریندے ُپئن جڈانجو ویسٹ انڈیز چیمپئنز کوں کرس گیل لیڈ کریندے پئن۔ چیمپئنز آف لیجنڈ کرکٹ ٹورنامنٹ دے سیمی فائنلز 12 جولائی کوں نارتھمپٹن اچ کھیݙیے ویسن جڈانجو فائنل میچ 13 جولائی کوں برمنگھم اچ کھیݙیا ویسی۔
