آستانہ۔4جولائی(اے پی پی)وزیر اعظم محمد شہباز شریف علاقائی و عالمی چیلنجز نال نمٹݨ کیتے موثر کثیرالجہتی اہم قرار ݙیندے دھمکیاں یا طاقت دے یکطرفہ اتے غیر قانونی استعمال دی مخالفت، دہشت گردی دا مقابلہ کرݨ، سارے ڄھیڑیاں دے منصفانہ و پرامن حل کیتے پاکستان ولوں مکمل کوششاں اتے ہتھ ونݙاوݨ دا یقین ݙیوائے۔ شنگھائی تعاون تنظیم (ایس سی او) دے سربراہان مملکت دی کونسل دے 24 ویں سربراہی اجلاس ویلھے ایس سی او پلس فارمیٹ دے سربراہی اجلاس نال خطاب کریندے انہاں آکھیا جو اقوام متحدہ دی سلامتی کونسل دا غیر مستقل رکن ہوندے 26۔2025 اچ پاکستان دیرینہ اتے جاری تنازعات دے منصفانہ اتے پرامن حل، دھمکیاں یا طاقت دا یکطرفہ و غیر قانونی استعمال، ہر قسم کد دہشت گردی دا مقابلہ کرݨ اتے رکن ملکاں نال شراکت اچ ایس سی او دے ایجنڈے کوں ودھاوݨ چاہندے، اوکھے عالمی اتے علاقائی چیلنجاں نال اقوام متحدہ دے فریم ورک اچ راہندے موثر کثیرالجہتی حکمت عملی نال نمٹیا ونڄ سڳدے، پاکستان اقوام متحدہ دی سلامتی کونسل اچ ودھ تجربہ، مہارت اتے امن و سلامتی سانڳے ساڄھے داری دا تکڑا ترکہ ڳھن آئے۔ انہاں شنگھائی تعاون تنظیم دا سربراہی اجلاس کراوݨ تے قزاخستان دے صدر قاسم جومارت توکائیوف کوں مبارک ݙتی اتے امید کیتی جو آستانہ اعلامیہ اتے ایندے اجلاس اچ تھیوݨ آلیاں ٻیاں دستاویزات امن و خوشحالی کیتے کوششاں ودھاوݨ اچ اہم کردار ادا کریسن، نسل اتے مذہب دی بنیاد تے نفرت اتے ونڄھ دے ودھدے اثرات خاص کر اسلامو فوبیا، موسمیاتی آفات اتے کوویڈ۔19 دے بعد دے تنازعات کوں حل کرݨ اتے کثیرالجہتی اعتماد دی بحالی ڄھیں چیلنجز سانڳے پرامن بقائے باہمی کوں برقرار رکھݨا ہوسی جیندے کیتے اتحاد دی لوڑھ اے۔ انہاں فلسطینی عوام دیاں ودھدیاں مشکلات تے توجہ ݙٰوائی جیندے اچ 37 ہزار توں ودھ فلسطینیاں کوں شہید کیتا گئے اتے لکھاں لوک بے گھر تھئین۔ انہاں اقوام متحدہ دی انسانی حقوق کمیشن دی انکوائری رپورٹ دی وی توثیق کیتی جیندے اچ اسرائیل دیاں کارروائیاں کوں جنگی جرائم اتے عالمی عدالت انصاف ایکوں نسل کشی قرار ݙیندے جوابدہی منڳی اے۔ ساکوں بین الاقوامی برادری نال خاص کر اقوام متحدہ دی سلامتی کونسل توں مطالبہ کرݨا چاہیدے جو او اپݨیاں ذمہ داریاں نبھیندے فوری جنگ بندی، انسانی امداد دی آزادانہ رسائی اتے غزہ اچ شہریاں دے تحفظ کوں یقینی ٻݨاوے، اقوام متحدہ کوں پرامن حل کیتے اُپݨیاں قرارداداں تے عملدرآمد کراوݨا چاہیدے۔ وزیر اعظم موسمیات تبدیلی بارے آکھیے جو پاکستان اچ 2022 دے سیلاب اچ قیمتی جاناں اتے املاک دا وݙا ضیان تھئے، کمزور ملکاں کوں کھلے دل نال مالی و تکنیکی امداد انہاں کون ولا ٻݨاوݨ، موافقت اتے لچک دے قابل ٻمیسی۔ انہاں بین الاقوامی مالیاتی ڈھانچے کوں ٻیا موثر، جامع اتے مساوی ٻݨاوݨ کیتے بنیادی اصلاحات تے وی زور ݙتے۔ وزیر اعظم عزم دوہرائے جو پاکستان خود مختاری اتے عدم مداخلت دے اصولاں دا احترام کریندے مساوی اتے پرامن عالمی نظام دے مشترکہ مقاصد کیتے کثیر الجہتی اداریاں کں تکڑا کریندا رہسی اتے عالمی تعاون کوںو دھیندا رہسی۔(
