اسلام آباد۔5جولائی(اے پی پی) وزارت خارجہ اتے ایندے لاہور اتے کراچی اچ ٻݨیے رابطہ دفاتر اچ اپاسٹائل دستاویزات دی لیگلائزیشن دا ”واک ان“ عمل 8 جولائی توں کھل ویسی۔ اے ڳالھ ترجمان دفترخارجہ ہک بیان اچ ݙسائی اے جو ہݨ اپاسٹائل لیگلائزیشن کیتے کہیں اپوائنٹمنٹ دی لوڑھ نا پوسی۔ اپاسٹائل سرٹیفکیشن کیتے نواں فیس شیڈول لاگو تھیسی، ذاتی اتے تعلیمی دستاویزات دی فیس3 ہزار روپے فی دستاویز رکھی ڳئی اے۔ قانونی دستاویزات دی فیس4 ہزار 5 سو روپے فی دستاویز ڄݙاں جو تجارتی دستاویزات دی فیس 12 ہزار روپے فی دستاویز ہوسی۔
