خبر نمبر:27
اسلام آباد۔5جولائی(اے پی پی)وفاقی وزیر خزانہ و محصولات سینیٹر محمد اورنگزیب آکھیے جو ٹیکس نظام اچ انسانی مداخلت ڳھٹاوݨ، شفافیت اتے کارگردگی ودھاوݨ کیتے ڈیجیٹلائزیشن ودھاوݨ ترجیح اے۔ انہاں اے ڳالھ پاکستان ٹیکس بار ایسوسی ایشن دے وفد نال ملݨ ویلھے آکھی جیندی اڳواݨی پی ٹی بی اے دے صدر انور کاشف ممتاز کیتی۔ فیڈرل بورڈ آف ریونیو (ایف بی آر) دے چیئرمین ملک امجد زبیر ٹوانہ وی ملاقات اچ موجود ہن۔ وفد ٹیکس بنیاد ودھاوݨ کیتے حکومتی کوششاں دی تعریف کریندے کارکردگی ودھاوݨ کتیے ٹیکساں دا عمل چنڳاں کرݨ کیتے اپݨا موقف ݙسایا۔ وزیر خزانہ یقین ݙیوایا جو ٹیکس نظام اچ انسانی مداخلت ڳھٹاوݨ، شفافیت اتے کارگردگی ودھاوݨ کیتے ڈیجیٹلائزیشن ودھائی ویسی، ایں سانڳے وفد کوں ضروری ڈیٹا ݙتا ویسی۔ ملاقات اچ مالیاتی کارکردگی اتے اقتصادی ترقی سانڳے جاری تعاون اتے ڳالھ مہاڑ ٹوری رکھݨ تے اتفاق تھئے
