لاہور۔9جولائی (اے پی پی) پورے صوبے اچ کل 10جولائی توں 15 جولائی تئیں مون سون بارشاں دا امکان اے ایں بارے اربن فلڈنگ دا الرٹ جاری کر ݙتا ڳئے۔ ترجمان پی ڈی ایم اے موجب کل بدھ 10جولائی توں پنجاب دے کئی ضلعیاں اچ تکھی ہوائیں نال بارشاں دی پیشگوئی اے، اربن فلڈنگ دے خطرے پاروں وݙے شہراں دی انتظامیہ الرٹ رہے اتے پیشگی انتظامات کرے۔ ڈی جی پی ڈی ایم اے آکھیا جو وزیر اعلی پنجاب مریم نواز شریف دی ہدایات تے سارے متعلقہ محکمے آبپاشی ،مواصلات، صحت ،لائیو سٹاک ، لوکل گورنمنٹ،ریسکیو ،واسا، پنجاب پولیس اتے سول ڈیفنس سودھے ساری کمشنرز اتے ڈی سیز کوں الرت رہݨ دی ہدایت کیتی ڳئی اے۔
