اسلام آباد۔9جولائی(اے پی پی) ڈائریکٹر جنرل لائبریریز آف اسلام آباد محمد ارشد اے پی پی نال ڳالھ مہاڑ کریندے آکھیے جو میڈے 15 توں ودھ سال سنٹرل لائبریری بہاول پور اچ گزریئن اتھاں ہک سرائیکی کارنر بنڑائیم تے ݙوجھا بہاول پور کارنر بݨایا ڳیا ہئی ۔انھاں دا ٻیا آکھݨ ہا جو سرائیکی دے نامور محقق لکھاری پروفیسر دلشاد کلانچوی دی لائبریری دیاں گھٹ ودھ پنج سو کتاباں سنٹرل لائبریری کوں ݙتیاں ڳیاں تےسنٹرل لائبریری اچ بہوں نادر نمونے موجود ان ۔اے ڳالھ مہاڑ محمد ارشد اسلامیہ یونیورسٹی بہاول پور سرائیکی ڈیپارٹمنٹ دے استاد اطہر لاشاری دے نال آئے بی ایس دے نینگراں دے وفد نال کیتی جیڑھے مطالعاتی تے تفریحی دورے تے آئے ہوئے ہن ۔انھاں طالبیں کوں کتاب تے لائبریری دی اہمیت بارے آگاہ کیتا تے اسلام آباد اچ لائبریری دے آندے منصوبیاں بارے ݙسائے۔وفد اچ کے آر ایل دے ایسوسی ایٹ پروفیسر ڈاکٹر محمد شفیق توں علاوہ اے پی پی سرائیکی نیوز سروس دی انچارج ڈاکٹر سعدیہ کمال وی موجود ہن۔(ڈاکٹر سعدیہ کمال)20:26
