لاہور۔10جولائی (اے پی پی) پاکستان کرکٹ بورڈ ولوں بدھ کوں جاری اعلامیہ اچ تصدیق کیتی ڳئی جو سابق کرکٹر عبد الرزاق اتے وہاب ریاض کوں ݙسا ݙتا ڳئے جو قومی سلیکشن کمیٹی اچ انہاں دی خدمات دی لوڑھ کائنی۔ ترجمان پی سی بی موجب عبد الرزاق مرداں اتے تریمتیں دی سلیکشن کمیٹی دے رکن ہن جڈانجو وہاب مرداں دی سلیکشن کمیٹی دے رکن ہن۔ ترجمان موجب پی سی بی سلیکشن کمیٹی دی تشکیل بارے ٻئی معلومات بعد اچ ݙتی ویسی۔
