واشنگٹن۔12جولائی (اے پی پی) امریکی صدر جو بائیڈن آکھیا جو غزہ جنگ کوں ہݨ مُکݨا چاہیدے، اسرائیل علاقے تے قبضہ نہ کرے۔ اردو نیوز موجب اے ڳالھیں انہاں گزریل ݙینھ نیوز کانفرنس اچ آکھی جو انہاں دے غزہ اچ جنگ بندی دے فریم ورک تے فریقین اتفاق کیتا ہئی پر معاہدہ طے تھیوݨ کیتے اڄاں کجھ رکاوٹاں ہن۔ امریکی صدر آکھیا جو ایں فریم ورک تے ہݨ ݙوہیں فریق متفق ہن ایں کیتے میں آپݨی ٹیم کوں مشرق وسطیٰ ٻھیجے تانجو تفصیلات کوں اڳوں ودھایا ونڄے۔ امریکی صدر جو بائیڈن آکھیا جو اسرائیل کوں غزہ تے قبضہ نی کرݨا چاہیدا۔ انہاں منیا جو اسرائیل ولوں کجھ ویلھے تعاون ڳھٹ رہیے۔
