ملتان ۔ 17 جولائی (اے پی پی) ملتان اچ خلیفہ آستانہ فریدیہ ممتاز آباد اچ شہداء کربلا دی یاد اچ ڈھائی سومن حلیم دی دیگ ٻݨائی ڳئی۔ آستانے دے خلیفہ افضل فرید چشتی ݙسیا جو اے دیگ ہر سال سینکڑاں عقیدت منداں اچ ونڈائی ویندی اے۔ انہاں دعویٰ کیتا جو اے ایشیاء دی ساریاں توں وݙی دیگ اے جئیں اچ پوڑی لا تے حلیم کݙھی ویندی اے۔ انہاں ٻیا ݙسیا جو دیگ ٻݨاوݨ کیتے ݙاہ توں 12 کاریگر کم کریندن۔ ایندے اچ 15 مݨ گوشت ، 400 کلو مختلف دالیں ،50 کلو مسالہ جات، 60 کلو دلیہ،200 کلو کنڑک، 200 کلو جو ، مختلف دالیں اتے ٻئے لوازمات استعمال تھیندن۔ ملتان دی اے روایتی دیگ ہر سال وانڳوݨ ایں سال وی لوکاں دی توجہ دا مرکز ٻݨ ڳئی اے۔
