راجن پور۔ 22 جولائی (اے پی پی) راجن پور اچ پئے آپݨے ݙو پتراں نال رَل تے ذال کوں قتل کر ݙتا۔ محمد پور دیوان دربار شریف دے رہائشی ملک نذیر احمد آپݨی ذال کوں آپݨے پتراں کلیم اتے جہانگیر دے رلے ڳچی ڳھٹ تے قتل کر ݙتا۔ تفتیشی افسر محمد اعظم خان ݙسیا جو اساکوں اطلاع ملی جو نذیر احمد آپݨی ذال کوں قتل کرݨ دی کوشش کریندا پئے۔ پولیس موقع تے پڄی تاں ملزمان موقع توں ٻھج ڳئے ہن۔ پولیس تھانہ محمد پور دیوان ترائیں پیو پتراں دے خلاف قتل دا مقدمہ درج کر تے کاروائی شروع کر ݙتی اے۔ جلدی ملزماں کوں پکڑ ڳھدا ویسی۔
