راجن پور۔ 23 جولائی (اے پی پی) جام پور توں ٹرݨ پھرݨ ڳئے ݙو نینگر ناران اچ گلیشئر ݙہݨ پاروں جاں بحق تھی ڳئے۔ ناران پولیس موجب جاں بحق تھیوݨ آلیاں دے ناں محمد مہران اتے پارسا اے اتے او جام پور توں ناران ٹرݨ پھرݨ آئے ہن۔ افسوسناک واقعہ اوں ویلھے تھیا جڈاں سیاح جھیل سیف الملوک توں واپسی تے گلیشئیر تلوں تصیویراں ٻݨیندے پئے ہن۔ پولیس موجب گلیشئر ݙہݨ پاروں 22 سال دا مہران اتے 13 سال دا پارسا موقع تے جاں بحق تھی ڳئے۔ واقعہ دی اطلاع ملدیں ای جاں بحق تھیوݨ آلیاں دے گھر قیامت صغریٰ پے ڳئی۔ ڈی ایس پی جامپور چوہدری عبدالکریم ݙسیا جو راجنپور دی تحصیل جامپور دے رہائشی ناران ڳھمݨ ڳئے ہن۔ گزریل ݙینھ واقعے دی اطلاع ملدیں ای اساں ناران انتظامیہ نال رابطے اچ ہیسے جنہاں نعشاں کوں انہاں دے ورثا نال جامپور ٹور ݙتے۔
