کھٹمنڈو۔24جولائی (اے پی پی) نیپال دے دارالحکومت کھٹمنڈو اچ طیارہ ݙھہہ تے تباہ تھی ڳئیا جئیں پاروں 18 بندے ہلاک تھی ڳئن۔ شنہوا نیوز موجب نیپال دی سول ایوی ایشن اتھارٹی دے ترجمان ہنس راج پانڈے آکھیا جو بدھ دی سویل نیپال دے دارالحکومت کھٹمنڈو دے تریبھون بین الاقوامی ہوائی اڈے تے سوریا ایئرلائنز دا طیارہ ݙھہہ تے تباہ تھی ڳئیا جئیں اچ 18 بندے ہلاک تھی ڳئے جنہاں دی نعشاں کݙھ ڳھدیاں ڳئن۔ انہاں آکھیا جو ہک زخمی کوں ہسپتال پڄا ݙتا ڳئے۔ حادثے پاروں ہوائی اݙے کوں بند کر ݙتا ڳئے۔ انہاں آکھیا جو پوکھرا شہر ونجݨ کیتے اݙݨ آلے بدقسمت طیارے اچ سوار 19 اچوں 17 دا تعلق سوریا ایئرلائنز توں ہئی۔ایں توں پہلے حادثے اچ ہلاکتاں دی تعداد 22 ݙسائی ڳئی ہئی حکام تصدیق توں بعد وضاحت کیتی اے جو مرݨ آلیں دی تعداد 18 اے
