واشنگٹن۔25جولائی (اے پی پی) امریکی دارالحکومت واشنگٹن اچ کانگرس نال اسرائیلی وزیراعظم نیتن یاہو دے خطاب دے موقع تے ہزاراں لوکاں احتاج کیتا۔ انہاں اچ یہودی، مسلمان اتے ٻئے شعبیاں توں تعلق رکھݨ آلی شخصیات شریک ہن۔ اے ایف پی دے مطابق ریلی دا انتظام یہودی اتے مسلم تنظیماں سانجھے طور کیتا ہئی۔ ریلی اچ نسل کشی دے خلاف ڈاکٹراں دی تنظیم وی خصوصی شرکت کیتی۔ مظاہرین فلسطینی پرچم اتے انجیل مقدس چاتی ہوئی ہئی۔ ایں موقع تے ہک گروپ امریکی جھنڈے دے نال نال اسرائیلی وزیراعظم دا پتلا وی ساڑیا۔ ریلی دے شرکا غزہ اچ جنگ بندی اتے نیتن یاہو دی گرفتاری دا مطالبہ کریندے پئے ہن۔ انہاں آکھیا جو عالمی عدالت انصاف نیتن یاہو کوں جنگی مجرم قرار ݙے چکی اے ایں کیتے اینکوں گرفتار کیتا ونڄے۔ ڈاکٹرز اگینسٹ جینوسائیڈ نامی تنظیم دی کارامیہ کومرلے اے ایف پی کوں ݙسیا جو انہاں دے ٻعے ساتھی غزہ اچ صحت دے نظام دی تباہی توں خوفزدہ ہن۔
