ملتان۔ 25 جولائی(اے پی پی) ایڈیشنل چیف سیکرٹری جنوبی پنجاب فواد ہاشم ربانی آکھیے خلیجی ملک کارپوریٹ فارمنگ سانڳے جنوبی پنجاب اچ سرمایہ کاری سانڳے دلچسپی رکھیندن ،جنوبی پنجاب فوڈ باسکٹ، ملکی غذائی ضرورتاں پوریاں کریندے ،زراعت کوں ترقی ݙے تے جنوبی پنجاب توں غربت مکائی ونڄ سڳدی اے ،زراعت دا شعبہ ملک اچ معاشی انقلاب گھن آسڳدے۔ اے ڳالھیں ایڈیشنل چیف سیکرٹری جنوبی پنجاب اتھاں میاں نواز شریف ایگریکلچر یونیورسٹی دے وائس چانسلر پروفیسر ڈاکٹر اشتیاق احمد رجوانہ نال ملاقات اچ آکھی اے ۔ملاقات اچ زراعت دی ترقی تے تحقیق تے ڳالھ مہاڑ تھئی ۔ایڈیشنل چیف سیکرٹری جنوبی پنجاب آکھیے دنیا اچ فوڈ سکیورٹی دا ایشو آندا پئے ،خلیجی ملک کارپوریٹ فارمنگ سانڳے جنوبی پنجاب اچ سرمایہ کاری اچ دلچسپی رکھیندن انہاں آکھیے جنوبی پنجاب اچ لائیو سٹاک دے شعبہ اچ وی وسیع سرمایہ کاری دے موقع موجود ہن۔فواد ہاشم ربانی آکھیے محکمہ زراعت جنوبی پنجاب کپاہ تے کیڑے مکوڑیں دے حملیں کوں مانیٹر کرݨ سانڳے آن لائن مانیٹرنگ سسٹم لانچ کیتے،زراعت دی ترقی سانڳے آرٹیفیشل انٹیلیجنس ایپلی کیشنز استعمال کرݨ دی حکمت عملی تیار کیتی ویندی پئی اے ،جنوبی پنجاب سیکرٹریٹ خطے اچ زراعت دی ترقی سانڳے سارے سٹیک ہولڈرز دی مدد گھنسی ۔ پروفیسر ڈاکٹر اشتیاق احمد رجوانہ آکھیے نواز شریف زرعی یونیورسٹی زراعت دے شعبے اچ تحقیق سانڳے پرعزم اے،زرعی یونیورسٹی اچ پروٹو ٹائپ ڈویلپمنٹ دے ماڈلز دی تیاری تے کم تھیندا پئے ،فصلاں دی فی ایکڑ پیداواراچ ودھارے تے ریسرچ کیتی ویندی پئی اے ،لائیو سٹاک دی بیماریاں اتے کاغذ بݨاوݨ سانڳے مخصوص ٻوٹیں تے وی تحقیق کیتی ویندی پئی اے
