اسلام آباد۔25جولائی(اے پی پی) اکناف ادبی اکیڈمی اتے سرائیکی اکیڈمی دے اشتراک نال سعید اختر دی کتاب “پاراروار” دی اکادی ادبیات پاکستان اچ تقریب رکھی ڳئی۔ جیندی صدارت ماہر تعلیم تے مرثیہ نگار خاور احمد، مہمان خصوصی ڈائریکٹر جنرل اکادمی ادبیات پاکستان سلطان ناصر ہن۔ سعید اختر آپݨی شاعری اچ وسیب دا ناں صرف نوحہ پیش کیتے جݙاں جو طبقاتی کشمکش سرائیکی وسیب دی پہچاݨ ثقافت کوں ھک نویکلے انداز اچ پیش کیتے۔تقریب اچ سرائیکی دی معروف شاعرہ ماہین ملک، وفا چشتی، شہاب صفدر، معروف صحافی افتخار شیرازی ،جہانگیر مخلص سعید اختر دی شخصیت اتے شاعری تے ڳالھ مہاڑ کیتی۔ سعید اختر دے پتر رامش علی تے موہن بھڳت کلام پیش کیتا۔ڈاکٹر سعدیہ کمال نظامت دے فرائض انجام ݙتے اتے آخر اچ کاشف رحمان کاشف نے سارے مہماناں دا شکریہ ادا کیتا۔22:04 ( ڈاکٹر سعدیہ کمال)
