ملتان۔ 26 جولائی (اے پی پی) ایڈیشنل چیف سیکرٹری جنوبی پنجاب فواد ہاشم ربانی آکھیا جو حکومت قابل تجدید توانائی دے ذرائع ودھاوݨ بارے کوشش کریندی پئی اے، جنوبی پنجاب اچ ݙو نویں سولر پاور پلانٹ لاتے ویندے پئن۔ اساݙا مستقبل قابل تجدید توانائی نال جڑیے۔ اے ڳالھیں انہاں جمعے کوں ڈی ایچ اے ایرینا اچ فیکٹ کمپنی ولوں ترائے فینھ دی سولر پاکستان نمائش دے افتتاح دے بعد میڈیا نال ڳالھ مہاڑ کریندیں ہوئیں آکی۔ ایں توں پہلے ایڈیشنل چیف سیکرٹری جنوبی پنجاب ڈی ایچ اے ملتان دے پراجیکٹ ڈائریکٹربر یگیڈئر( ر) احمد رضوان گھمن،صدر ملتان چیمبر آف کامرس میاں روشد اقبال اتے سی ای او فیکٹ سلیم خان تنولی دے رلے نمائش دا افتتاح کیتا۔
