بہاولنگر۔ 29 جولائی (اے پی پی) بہاولنگر، کھوہ کھٹیندیں ہوئیں مٹی دا تودہ ݙہݨ پاروں پںج مزدور ملبے تلوں دب کراہیں جاں بحق تھی ڳئے۔ بہاولنگر دے علاقے چک 432 سکس آر بنگلہ یتیم والا دے نیڑے کھوہ کھٹیندیں ہوئیں مٹی دا تودہ ݙھہہ پئیا جئیں اچ پنڄ مزدور جاں بحق تھی ڳئے۔ ریسکیو ٹیم آپریشن کریندیں ہوئیں ترائے مزدوراں کوں کݙھ ڳھدا جیڑھے جو ہسپتال ویندیں ہوئیں دم تروڑ ڳئے جڈانجو ٻئے ݙو مزدوراں دی نعشاں دی کݙھ ڳھدی ڳئن۔ جاں بحق تھیوݨ آلیاں اچ محمد زین، سالہ گوگا ملنگ،محمد رضوان، عرفان اتے قمر شامل ہن۔ ریسکیو 1122 بہاولنگر، ہارون آباد، فورٹ عباس دی ریسکیو ٹیماں آپریشن اچ حصہ ڳھدا اتے ترائے گھنٹے دے مسلسل آپریشن دے بعد نعشاں کݙھ ڳھدی ڳئی۔
