اسلام آباد۔30جولائی(اے پی پی)وفاقی وزیر خزانہ و محصولات محمد اورنگزیب آکھیے جو حکومتی اقدامات پارون معیشت کوں تکڑا کرݨ اچ مدد ملی اے، خصوصی سرمایہ کاری سہولت کونسل دے تعاون نال کارپوریٹ فارمنگ دی لوڑھ اے۔
او کراچی اچ پاکستان بینکس ایسوسی ایشن دی ایگزیکٹو کمیٹی دے اجلاس نال الیندے پئے ہن جتھاں انہاں شرکاء کوں ملک دے کلیدی معاشی اشاریاں دا ݙسایا جو اقتصادی اتے تکنیکی ڈھانچہ کوں اڳو تے ودھاوݨ کیتے نجی شعبہ اہم کردار ادا کریندا پئے، کلی معیشت دے استحکام کیتے اہم اقدامات کیتن، بیرونی ادائیگیاں دی صورتحال تسلی بخش اے، بین الاقوامی مالیاتی فنڈ نال پاکستان دے معاملات چنڳے ودھدے پن، ملکی ترقی اتے معاشی استحکام کیتے سرکاری اتے نجی شعبہ دا ڳنݙھا ٻہوں ضروری اے جیندے کیتے ایچ بی ایل اتے نیشنل بینک ڄھیں ادارے کردار ادا کرن۔ انہاں آکھیا جو پاکستان بین الاقوامی کیپٹل مارکیٹس اچ ولݨ کیتے اقدامات کریندا پئے، کریڈٹ ریٹنگ دے بین الاقوامی ادارہ فچ پاکستان دی کریڈٹ ریٹنگ بہتر کرتی اے، حکومت موجودہ چیلنجز کوں ڄاݨدی اے، حکومت ڈھانچہ جاتی اصلاحات سودھا زراعت، آئی ٹی اتے ٻئے شعبیاں تے توجہ ݙیندی پئی اے جیندے کیتے ایس آئی ایف سی دا کردار اہم اے، نجی شعبے اچ تبدیلی کیتے زرعی و آئی ٹی انڈسٹری بالخصوص فری لانسرز کیتے فنڈز رکھݨ دی لوڑھ اے۔ انہاں توانائی دی صورتحال وی ݙسائی۔ پی بی اے اجلاس اچ سارے اہم بینکاں دے سربراہان شرکت کیتی ڄݙاں جو چیئرمین ایف بی آر، وزیر مملکت علی پرویز ملک اتے ٻئے اعلیٰ عہدیدار وی موجود ہن۔
