اسلام آباد۔31جولائی(اے پی پی)وفاقی وزیر خزانہ و محصولات محمد اورنگزیب گلگت بلتستان انتظامیہ اتے مالیاتی فریم ورک بارے اصلاحات کوں اہم قرار ݙیندے آکھیے جو ایندے نال مقامی آبادی کوں فیدہ ملݨ دے نال نال سیاحت کوں وی ترقی ملیس۔ او اسلام آباد اچ گلگت بلتستان دے مسلیاں بارے کمیٹی دے اجلاس دی اڳوآݨی کریندے پئے ہن۔ اجلاس اچ وفاقی وزیر امور کشمیر و گلگت بلتستان انجینئر امیر مقام، گلگت بلتستان دے وزیر خزانہ محمد اسماعیل، وزیر زراعت محمد انور، سابق وزیراعلیٰ حافظ حفیظ الرحمن، چیف سیکرٹری گلگت بلتستان، ممبر واپڈا اتے متعلقہ وزاتاں دے افسران شرکت کیتی۔ چیف سیکرٹری گلگت بلتستان، گلگت بلتستان حکومت دے مسلیاں تے بریفنگ ݙتی جیندے اچ پی ایس ڈی پی منصوبیاں کیتے ڳھٹ فنڈز، ملازمین اتے ٻئے شعبیاں دے واجبات ودھݨ توانائی دی ودھدی لوڑھ سانڳے شمسی توانائی منصوبے لاوݨ تے زور ݙتے جو علاقہ اچ اراضی دے ریکارڈ دی ڈیجیٹلائزیشن اتے سیاحت کیتے ایئرپورٹس دی توسیع شامل اے جیندے تے عمل نال عملدرآمد خطے اچ بنیادی ڈھانچہ کوں جدت ݙیوݨ اچ مدد ملسی۔ وزیر خزانہ تجاویز دی تعریف کریندے آکھیا جو تجاویز تے عمل نال خطے اچ عوام کوں فیدہ تھیسی اتے سیاحت ودھسی، گلگت بلتستان حکومت دے مسلے حل کرݨ دی پوری کوشش کیتی ویسی، حکومت مجموعی اقتصادی ترقی کیتے گلگت بلتستان حکومت دا پورا ہتھ ونݙیسی۔
