اسلام آباد۔31جولائی(اے پی پی) ایں میلے اچ شامل تھیوݨ آلیں اچ 18 توں 20 سال دی عمر دے نینگر علم عروض ، تخلیقی نثرنگاری، ترجمہ نگاری، ادبی ادارت، حقوق ملکیت دانش، انہاں اچوں 18 سال دی عمر توں 20 سال دے نینگر کہیں ھک کیٹیگری اچ حصہ گھن سڳدن۔ دلچسپی رکھݨ آلے نینگراکادمی دی ویب سائٹ تےموجود آن لائن فارم پر کرتے آپݨی رجسٹریشن مکمل کرچکئین۔ رجسٹریشن سانڳے کہیں قسم دی کوئی فیس نی ڳھدی ڳئی۔ رجسٹریشن دے بعد امیدواراں دی چوݨ انہاں دی ادبی دلچسپی دے ثبوت ݙیکھ تے کیتی ویسی۔ چݨیے ڳئے امیدواراں کوں 4 اگست 2024 تئیں انہاں دے انتخاب دی اطلاع ݙے ݙتی ویسی۔ نینگر تازہ معلومات سانڳے اکادی دی ویب سائٹ تے فیس بک پیج ݙیکھن۔ اے پی پی نال ڳالھ مہاڑ کریندے اکادمی ادبیات پاکستان دی صدر نشین ڈاکٹر نجیبہ عارف دا آکھݨ ہئی جو ترائے ݙینھ دے “نسل نو ادبی میلہ” دے موقع تے ایں توں علاوہ ادبی موضوعات تےتربیتی پروگرام ، کتاباں دی نمائش، نسل نو دی تخلیقات دی پیشکش ، اہم ادیب تے شاعراں نال ملاقات ، شخصی تربیت ، ثقافتی پروگرام ہوسن تے قابل دید جائیں دی سیر وی کرائی ویسی (ڈاکٹر سعدیہ کمال)
