اسلام آباد۔31جولائی(اے پی پی) وفاقی وزیر صنعت و پیداوار رانا تنویر حسین پورٹ قاسم انڈسٹریل اسٹیٹ کراچی اچ ٹویوٹا انڈس موٹر کمپنی لمیٹڈ (آئی ایم سی) دا دورہ کیتے۔ سیکرٹری وزارت صنعت و پیداوار سیف انجم، سی ای او ای ڈی بی خدا بخش وی انھاں دے رلے ہن ۔ ایگزیکٹیو وائس پریذیڈنٹ ٹویوٹا موٹر ایشیا مسٹر کازوناری اگوچی، سی ای او آئی ایم سی اصغر علی جمالی اتے آئی ایم سی ٹویوٹا دے ٻئے سینئر افسراں انہاں دا استقبال کیتا۔ تقریب توں خطاب اچ وفاقی وزیر صنعت و پیداوار رانا تنویر حسین آئی ایم سی ٹویوٹا کوں گاݙیاں برآمد کرتے سنگ میل گھنݨ دی مبارخ ݙتی ۔ انہاں 64 فیصد تئیں آپریشنز دی لوکلائزیشن سانڳے آئی ایم سی انتظامیہ دی تعریف کیتی جیڑھا جو پاکستان حکومت دے جدت اتے خود انحصاری دے وژن دی عکاسی کریندے ۔ وفاقی وزیر 700 ملین امریکی ڈالر دی سرمایہ کاری اتے 76000 یونٹس تیار کرتے قومی ترقی اچ ٹویوٹا دے کردار کوں وی منیا ۔ ایں توں انڄ کمپنی قومی خزانے اچ 258 بلین دا حصہ پیندی اے جیڑھا جو ملک دی قومی ترقی اچ ایندے عزم دی عکاسی کریندی اے ۔ وفاقی وزیر کاربن ڈائی آکسائیڈ دے اثرات گھٹ کرݨ تے ہائبرڈ گاݙیاں تیار کرتے ماحولیاتی چیلنج نال نبݨݨ سانڳے کمپنی دے فعال انداز کوں اجاگر کیتے ایں امر دا ذکر کیتے جو “ایہو سویں اقدامات موٹر انڈسٹری اچ ݙوجھیں سانڳے ھک مثال ہن”۔ تقریب اچ حاضرین توں خطاب اچ وفاقی وزیر سی ای او آئی ایم سی اصغر علی جمالی دی قائدانہ خوبیاں دی تعریف کیتی اتے آکھیے کمپنی کوں ایں سنگ میل تئیں گھن ونڄݨ اچ انہاں دا کردار اہم رہیا۔ آئی ایم سی انتظامیہ دے کردار دی تعریف کیتی تے آکھیے قومی ترقی اچ انہاں دا نقطہ نظر اتے نقطہ نظر حکومت پاکستان نال ہم آہنگ اے۔ایگزیکٹو نائب صدر ٹویوٹا موٹر ایشیا کازوناری ایگوچی مزید آکھیے “آئی ایم سی نال سانجھے داری ویلھے دے نال بݨائی ڳئی تے ٻہوں نتیجہ خیز اے ، ٹویوٹا اچ اساں آکھدوں جو اساں کاراں بݨاوݨ توں پہلے لوکاں کوں بݨیندوں تے اے قدم ایندا ثبوت اے ۔کمپنی دے دورے تے وفاقی وزیر ھک ٻوٹا رادھا ، گاݙیاں دے ایکسپورٹ یونٹ دا افتتاح کیتا تے آئی ایم سی ٹویوٹا دی طرفوں انہاں کوں یادگار پیش کیتا ڳئے
