اسلام آباد۔31جولائی(اے پی پی) سپیکر قومی اسمبلی سردار ایاز صادق فلسطین دے سابق وزیراعظم اسماعیل ہانیہ تے تہران اچ قاتلانہ حملے دی شدید مذمت کریندے حملے اچ اسماعیل ہانیہ دے جانی ضیان تے ݙکھ تے افسوس کیتے ۔ آپݨے مذمتی بیان اچ انہاں آکھیے اسماعیل ہانیہ تے حملہ بربریت اتے جارحیت دی شرمناک مثال اتے عالمی قوانین تے اقدار دی کھلی خلاف ورزی اے،اسرائیل فلسطین اچ ظلم و بربریت دا بازار گرم کر رکھیے۔ اسماعیل ہانیہ اتے انہاں دے خاندان دی فلسطین دی جدو جہد آزادی سانڳے قربانیاں ناقابل فراموش ہن جنہاں کوں کݙاہیں بھلایا نہ ویسی اے قربانی ضائع نہ ویسی ۔ سپیکر قومی اسمبلی اسماعیل ہانیہ دی شہادت تے انہاں دے گھر آلیں ،فلسطینی حکومت اتے عوام کوں پرچاوݨی ݙتی تے آکھیے او انہاں دے ݙکھ اچ برابر دے شریک ہن ۔ انہاں اللہ تعالیٰ توں شہید اسماعیل ہانیہ دے اُچے درجات سانڳے دعا کیتی
