اقوام متحدہ ۔1اگست (اے پی پی) فلسطینی رہنما دے ایران اچ شہید تھیوݨ تے اقوام متحدہ دی سلامتی کونسل دا ہنگامی اجلاس سݙ ڳھدا ڳئیا۔ اے ایف پی سلامتی کونسل دی روسی صدارت بارے ݙسیا جو ایران دی درخواست اتے روس، چین اتے الجزائر دے نمائندیاں دی حمایت نال اے اجلاس رکھیا ڳئے۔ ݙوجھے پاسوں اقوام متحدہ دے سربراہ انتونیو گوتریش ایران اتے لبنان تے حملیاں دی مذمت کریندیں ہوئیں اینکوں ’خطرناک اشتعال انگیزی‘ قرار ݙتا۔ انہاں آکھیا جو جنوبی بیروت اتے تہران اچ جیڑھے حملے تھین او ہک خطرناک اشتعال انگیزی دی نمائندگی کریندن۔ ایں ویلھے جݙاں ساری کوششاں غزہ اچ جنگ بندی آلے پاسے اتے سارے اسرائیلی یرغمالیاں دی رہائی آلے پاسے تھیوݨی چاہیدن۔
