اسلام آباد۔1اگست (اے پی پی) چیئرمین سینیٹ سید یوسف رضا گیلانی تہران اچ فلسطینی رہنما دے قتل دی مذمت، فلسطینی قوم اتے انہاں دے ٹبر نال تعزیت کیتی۔ سینیٹ سیکرٹریٹ توں جاری بیان موجب انہاں آکھیا جو پاکستان دی عوام دہشت گردی توں ساریاں توں ودھ متاثر تھئی اے اتے ایندے منفی اثرات کوں اساں ڄاݨدوں۔ چیئرمین سینیٹ آکھیا جو ہݨ ویلھا آڳئے جو عالمی برادری ایں واقعے دا سختی نال نوٹس ڳھنے تانجو ولا اینویں نہ تھیوے، اساں دہشت گردی دے خاتمے کیتے تنظیمی اتے ریاستی سطح تے ہک روڈ میپ ٻݨا سڳوں۔
