اسلام آباد۔1اگست (اے پی پی) پاکستان ہک واری ولا بھارت تے زور ݙتے جو بھارت آپݨے غیر قانونی قبضے اچ جموں تے کشمیر اچ پںج اگست 2019 توں جاری غیر قانونی اتے ہک پاسہ اقدامات واپس ڳھنے۔ ترجمان دفتر خارجہ ممتاز زہرہ بلوچ خمیس کوں پریس بریفنگ اچ آکھیا جو بھارت کوں چاہیدے جو او سلامتی کونسل دی متعلقہ قرارداداں اتے کشمیری عوام دی خواہش مطابق تنازعہ جموں تے کشمیر دے پر امن حل کیتے سازگار ماحول ٻݨاوݨ بارے کم کرے۔ ترجمان آکھیا جو اگلے ہفتے سنوار کوں جموں تے کشمیر دی تاریخ دے ہک کالے ݙینھ کوں پںج سال پورے تھی ویسن۔ بھارت 5 اگست 2019 کوں جموں و کشمیر دے لوکاں کوں انہاں دے حقوق توں محروم رکھݨ کیتے بھارت دے غیر قانونی قبضے جموں تے کشمیر اچ غیر قانونی اتے ہک پاسہ کاروائیاں کیتی۔ ترجمان آکھیا جو پاکستان اقوام متحدہ دی سلامتی کونسل دی قرارداداں دے مطابق تنازعہ جموں تے کشمیر دے منصفانہ اتے پرامن حل کیتے آپݨے کشمیریاں دی سیاسی، سفارتی اتے اخلاقی حمایت کریندا رہسی۔
