اسلام آباد۔1اگست(اے پی پی)وفاقی وزیر خزانہ و محصولات سینیٹر محمد اورنگزیب ایتھوپیا نال تعلقات تکڑے کرݨ دا عزم دوہریندے آکھیے جو ݙوہاں ملکاں وچال ساڄھے داری نال باہمی تجارت، سرمایہ کاری ودھاوݨ سودھا معاشی استحکام اچ مدد ملسی۔ او اسلام آباد اچ جمہوریہ ایتھوپیا دے سفیر جمال بیکر عبد اللہ نال ملݨ ویلھے الیندے پئے ہن۔ انہاں سفیر کوں پاکستان اچ جاری اصلاحات دے عمل دا ݙسایا ڄیڑھے ملکی مفاد کیتے ضروری ہین تاں جو معاشی استحکام آوے۔ ایتھوپیا دے سفیر عبد اللہ ایتھوپی کرنسی کوں تکڑا کرݨ اتے معاشی لچک سانڳے پاکستان دے تجربیاں توں فیدہ چاوݨ دی خواہش کیتی۔ فریقین ݙو طرفہ تجارت، مالی تعاون سودھا تعلیمی شعبے اچ ڳانݙھا ودھاوݨ خاص کر طلباء دے تبادلے اتے اسکالرشپ پروگرام ودھاوݨ تے زور ݙتے۔
