اسلام آباد۔1اگست(اے پی پی)وزیر مملکت برائے آئی ٹی و ٹیلی کمیونیکیشن شزہ فاطمہ آکھیے جو ڈیٹا ریگولیشن اتے سائبر سکیورٹی ترجیحات ہین ڄݙاں جو آئی ٹی برآمدات 25 ارب ڈالر تئیں ڳھن ونڄݨ ہدف اے، او وزارت آئی ٹی ولوں تھیوݨ آلے گول میز اجلاس اچ ” اوپن ڈیٹا فلوز اینڈ پاکستان ڈیجیٹل اکانومی” دے موضوع تے خطاب کرینداں پیان ہن۔ اجلاس اچ ایشیاء انٹرنیٹ کولیشن دے منیجنگ ڈائریکٹر جیف پین، گوگل اتے میٹا دے نمائنداں شرکت کیتی۔ کنوینئر ڈیجیٹل پاکستان کمیٹی تانیہ ایدروس اتے سیکرٹری آئی ٹی عائشہ حمیرا چوہدری وی اجلاس اچ موجود ہن۔ وزیر مملکت آئی ٹی آکھیا جو وزیراعظم دی ہدایت تے نجی شعبے دی حمایت کریندے پئے ہیں، پاکستان کوں ڈیجیٹل معیشت اچ وٹاوم دی کوشش اے۔ اجلاس اچ شرکا ڈیٹا لوکلائزیشن، ڈیٹا حساسیت اتے ڈیٹا ہوسٹنگ تے ڳالھ مہاڑ کیتی۔ اجلاس اچ پاکستان سافٹ ویئر ہائوسز ایسوسی ایشن، پی ٹی اے، ایس ای سی پی، سٹیٹ بینک، این آئی ٹی بی حکام اتے وزارت آئی ٹی دے سینئر افسران شرکت کیتی۔
