راولپنڈی۔1اگست(اے پی پی) وزیر دفاع و دفاعی پیداوار خواجہ محمد آصف نال متحدہ عرب امارات (یو اے ای) دے سفیر حماد عبید ابراہیم سالم الزابی ملاقات کیتی جئیں اچ سانجھی دلچسپی دے امور تے ڳالھ مہاڑ کیتی ڳئی ۔ وفاقی وزیر متحدہ عرب امارات دی ترقی اتے تبدیلی سانڳے متحدہ عرب امارات دی مسلح افواج دے سپریم کمانڈر شیخ خلیفہ بن زید النہیان دے وژن اتے کوششاں دی تعریف کیتی ۔خواجہ محمد آصف روشنی پاتی جو پاکستانی شہری متحدہ عرب امارات دی ترقی سانڳے مختلف شعبیں اچ نتیجہ خیز کردار نبھیندے پئن پاکستان سول اتے دفاعی شعبیں اچ متحدہ عرب امارات دی حمایت جاری رکھیسی ۔انہاں آکھیے مسلح افواج وچال موجودہ تعاون ودھاوݨ سانڳے ٻہوں امکانات ہن ݙوہیں ملکاں وچال ہوابازی دے شعبے اچ گنجائش ودھاوݨ سانڳے پاکستان اتے متحدہ عرب امارات دے کمرشل/سول ایوی ایشن سیکٹر متعلق امورتے ڳالھ مہاڑ کیتی ڳئی۔
