دولت مشترکہ دی سیکرٹری جنرل وزیراعظم یوتھ پروگرام دے چیئر مین رانا مشہود خان کوں ’’کامن ویلتھ ایئر یوتھ چیمپئن‘‘ دا اعزاز ݙتا

اسلام آباد۔2اگست  (اے پی پی) کامن ویلتھ دی سیکرٹری جنرل آر ٹی پیٹریشیا سکاٹ لینڈ پرائم منسٹر یوتھ پروگرام دے چیئرمین رانا مشہود احمد خان کوں نینگراں کوں بااختیار ٻݨاوݨ کیتے انہاں دے عزم اتے محنت تے ’’کامن ویلتھ ایئر یوتھ چیمپئن‘‘ دا اعزاز ݙتا۔ وزیراعظم یوتھ پروگرام دے اقدامات دی نمائش اتے اجرا دی افتتاحی تقریب تھئی۔ دولت مشترکہ دی سیکرٹری جنرل پیٹریشیا سکاٹ لینڈ آکھیا جو رانا مشہور نینگراں کوں موقع، وسائل اتے مدد ݙیوݨ اتے مختلف کماں اتے پروگراماں نال انہاں کوں بااختیار ٻݨاوݨ کیتے شاندار کم کیتے۔ دولت مشترکہ دی سکریٹری جنرل بٹن دبا کراہیں وزیر اعظم یوتھ پروگرام د چھی اقدامات دا افتتاح کیتا جئیں اچ کامن ویلتھ ایشیا یوتھ الائنس، ڈیجیٹل لرننگ پورٹل، قومی رضاکار کور کیتے لوگو، برٹش کونسل اتے انٹیل کارپوریشن دے تعاون نال اے آئی ایجوکیشن پروگرام اتے کامن ویلتھ یوتھ پارلیمنٹری فورم دا قیام شامل اے۔ ایں توں پہلے ایں موقع تے خطاب کریندیں ہوئیں چیئرمین وزیراعظم یوتھ پروگرام رانا مشہود دولت مشترکہ دی سیکرٹری جنرل پیٹریشیا سکاٹ لینڈ دی پاکستان اتے دولت مشترکہ نال تعلقات مضبوط ٻݨاوݨ کیتے محبت اتے جذبت دا اعتراف کیتا۔ چھیکڑ اچ پیٹریشیا سکاٹ لینڈ بلوچستان توں تعلق رکھݨ آلی قومی رضاکار کور دے لوگو دی ڈیزائنر اقصیٰ کوں ہک لکھ روپے دا انعام ݙتا۔