اسلام آباد۔2اگست(اے پی پی)وفاقی وزیر قانون اعظم نذیر تارڑ آکھیے جو وفاقی کابینہ لاپتہ افراد دے ٹٻراں کیتے 50 لکھ فی کس امدادی پیکیج دی منظوری ݙے ݙتی اے۔ وفاقی کابینہ اجلاس دے بعد میڈیا کوں بریفنگ ݙیندے اعظم نذیر تارڑ آکھیے جو ریاست ما دی ڄاہ تے ہوندی اے، ایں سانڳے لاپتہ افراد دے متاثرین کوں ریلیف ݙتا ویندا پئے، ہک طریقہ کار دے تحت لاپتہ افراد دے 2 ہزار کیسز شارٹ لسٹ کیتن جیندے اچ 5 سال پراݨے ہک ہزار کیسز پہلے ڳھدے ویسن، لاپتہ افراد دے لواحقین دے مسلیاں دے حل کیتے سفارشات دی منظوری ݙتی ڳئی اے جیندے اچ نادرا، بینک اکائونٹس اتے جائیداد دے مسائل شامل ہین، کابینہ اجلاس اچ لاپتہ افراد دے لواحقین کیتے 50 لکھ روپے فی کس امدادی پیکیج دی وی منظوری ݙتی گئی، ایں سانڳے خصوصی کمیٹی ٻݨائی ڳئی اے ڄیڑھے انہاں کیسز دا جائزہ ڳھنسی۔ انہاں آکھیا جو سپریم کورٹ دے فیصلے پاروں لاپتہ افراد دا کمیشن ٻݨایا ڳیا ڄیڑھا 12، 13 سال توں کم شروع کریندے پن۔ حکومتی کوششاں، پارلیمنٹ اچ بحث اتے مختلف تجویزاں توں بعد ہک کمیٹی ٻݨائی ہئی ڄئیں متاثرہ خانداناں دی سݨیڄ توں بعد سفارشات ݙتیاں ڳن۔
