اسلام آباد۔2اگست (اے پی پی) اج دے سوشل میڈیا دور اچ بالاں دی نفسیات کوں سامݨے رکھیندے ہوئے ویڈیوز ٻݨا تے ذہن سازی تے کردارسازی سانگے کم کیتا ونڄ سڳدا اے۔ اے ڳالھیں انٹرنیشنل اسلامک یونیورسٹی اسلام آباد فیکلٹی آف اصول الدین( اسلامک سٹڈیز ) دے ھک ڈیپارٹمنٹ “تقابل ادیان ” دے استاد خورشید احمد سعیدی اے پی پی سرائیکی نیوز سروس نال ڳالھ مہاڑ کریندیں ہوئیں آکھی۔ پروفیسر خورشید احمد سعیدی دا آکھݨ ہا جو ایں سوشل میڈیا دور اچ بالیں دی تربیت تے ودھ فوکس کرݨ دی ضرورت اے جیندے نال بالاں دی نفسیات کوں سامنڑھے رکھ تے ذہن سازی تے کردار سازی کیتی ونج سگدی اے ایندے کیتے ویڈیو ٻݨائیاں ونجن جیڑھے بالیں دے کم آون تے سکول اچ وی کتاباں پڑھݨ اچ مدد ملدی ہووے ۔انھاں دا بیا آکھݨ ہا جو ایندا ڈوجھا پہلو اے تھی سگدا اے جو پہلے توں موجود مواد توں کوئی آئیڈیا گھن تے استعمال کیتا ونج سگدا اے۔ ایندے کیتے فیس بک دے پیج، ٹوئیٹر تے انسٹاگرام تے کوں استعمال اچ گھن آیا ونج سگدا اے ۔
ڈاکٹر سعدیہ کمال
