اسلام آباد۔2اگست(اے پی پی)وفاقی وزیرداخلہ محسن نقوی ٹانک دے علاقے اچ ججز دے سکواڈ تے تھیوݨ آلے فائرنگ دے واقعہ دی مذمت کریندے شہید اہلکاراں کانسٹیبلز عبداللہ اتے عبدالصمد کوں خراج عقیدت پیش کیتے۔ انہاں شہیداں دے وارثاں نال ہمدردی کریندے پرچاوݨی ݙتی اتے آکھیا جو بہادر جواناں اپݨی جان وار تے دہشتگردوں دے مذموم عزائم ناکام ٻݨائن اتے وݙی دلیری نال دہشتگرداں دا مقابلہ کیتے، اساں شہداء دی ایں عظیم قربانی کوں سلام کریندے ہیں۔ انہاں آکھیا جو خیبر پختونخوا پولیس دے بہادر سپوتاں تے ماݨ اے، دہشتگردی دے خلاف جنگ اچ خیبرپختونخوا پولیس ٻہوں وݙیان قربانیاں ݙتن۔
