اسلام آباد۔2اگست(اے پی پی)وزیرِ اعظم محمد شہباز شریف جناح میڈیکل کمپلیکس دا ماسٹر پلان ٻݨاوݨ، تکنیکی معاونت اتے طبی آلات کیتے عالمی ماہرین توں مدد ڳھنݨ دی ہدایت کریندے آکھیے جو جناح میڈیکل کمپلیکس کوں پاکستان ہی نئیں خطے دا جدید اتے بہترین طبی سہولتاں آلا ہسپتال ٻݨایا ویسی۔ او اسلام آباد اچ جناح میڈیکل کمپلیکس بارے جائزہ اجلاس دی اڳواݨی کریندے پئے ہن۔ انہاں جناح میڈیکل کمپلیکس کوں ٹریژری سطح دا جدید ہسپتال ٻماوݨ دی دہایت کریندے آکھیے جو اتھان مریضاں کوں جدید اتے بہترین علاج معالجہ ݙتا ونڄے۔ انہاں آکھیا جو اساں پنجاب اچ بین الاقوامی معیار دا پی کے ایل آئی ہسپتال ٻݨائے ٻھل ایکوں سیاست وات کر تے تباہ کرݨ دی کوشش کیتی ڳئی۔ انہاں آکھیا جو جناح میڈیکل کمپلیکس تیکھے ٻݨاوݨ دے اقدامات کرݨ ضروری ہین، جناح میڈیکل کمپلیکس اچ ہتھ ونݙاوݨ تے آغا خان فاؤنڈیشن دے مشکور ہیں۔ اجلاس اچ وفاقی وزیر اقتصادی امور احد خان چیمہ، ڈپٹی چیئرمین پلاننگ کمیشن جہانزیب خان، وزیرِ اعظم دے کوآرڈینیٹر برائے صحت مختار احمد بھرتھ اتے متعلقہ اعلیٰ حکام شرکت کیتی۔اجلاس کوں جناح میڈیکل کمپلیکس دے ماسٹر پلان اتے منصوبے دی تعمیر تے بریفنگ ݙتی ڳئی جو جناح میڈیکل کمپلیکس کوں ٹرسٹ ٻݨایا ویسی ڄیڑھا ہسپتال دے انتظامی امور ݙیکھسی، ٹرسٹ دے پیٹرن اِن چیف وزیراعظم ہوسن، کمپلیکس دے ماسٹر پلان تے بین الاقوامی شہرت یافتہ امریکی ماہرین کم کریندے پن، ایں سانڳے آغا خان فاؤنڈیشن وی تکنیکی معاونت ݙیندا پئے۔ اجلاس کوں منصوبے دی تعمیری لاگت اتے معینہ مدت دا ݙسایا ڳیا۔ وزیراعظم منصوبے اچ شفافیت اتے ڳھٹ توں ڳھٹ ویلھے اچ مکمل کرݨ کیتے اقدامات دی ہدایت کیتی۔
