پنجاب دے ضلعیں اچ مینھ وسݨ دا امکان ، رود کوہیاں اچ چھل دا خطرہ

لاہور۔3اگست(اے پی پی) پنجاب دے ٻہوں ضلعیں اچ آندے چووی گھنٹے مینھ وسݨ دا امکان اے جݙاں جو رود کوہیاں اچ چھل دا خطرہ اے ۔ ترجمان پنجاب ڈیزاسٹر مینجمنٹ اتھارٹی موجب پنجاب دے سارے دریاواں تے بیراجا اچ پاݨی دا وہݨ نارمل سطح تے ہے ، منگلا ڈیم اچ پاݨی دی سطح61 فیصد اتے تربیلا اچ 81فیصد اے ۔دریائے سندھ  اچ تربیلا کالاباغ اتے چشمہ دی جاہ تے تلویں درجے دی چھل اے جݙاں جو ستلج ، بیاس اتے راوی تے بݨیے بھارتی ڈیمز اچ پاݨی دی سطح 43 فیصد اے۔ڈائریکٹر جنرل پراونشنل ڈیزاسٹر مینجمنٹ اتھاٹی عرفان علی کاٹھیا آکھیے رود کورہیاں اچ آندے چووی گھنٹے ادھلے تے اُتلے درجے دی چھل دا ݙر اے تے ایں پاروں انتظامات کر ڳھدے ڳئن ۔ پی ڈی ایم اے کنٹرول روم، ضلعی ایمرجنسی آپریشن سنٹرز24/7 صورتحال کوں ݙیکھدے پئن ۔ عوام کوں آکھدوں مینھ دے موسم اچ احتیاطی ورتن ، خراب موسم اچ غیر ضروری سفر نہ کیتا ونڄے ،بجلی دیاں تاراں تے کھبے کوں اصلوں ہتھ نہ لاتا ونجے ہنگامی صورت حال اچ ساݙی ہیلپ لائن 1129 تے کال کرو