اسلام آباد۔4اگست (اے پی پی) کشمیر انسٹی ٹیوٹ آف انٹرنیشنل ریلیشنز دے چیئرمین اتے حریت رہنما الطاف حسین وانی آکھیے بھارت 5 اگست 2019 اچ کشمیریاں دی خصوصی حیثیت ختم کرݨ دے بعد مسلسل انہاں دا استحصال کریندا پئے تے انسانی حقوق اتے جمہوری اقدار دی سنگین خلاف ورزیاں اچ ملوث اے۔یوم استحصال دے سلسلے اچ ریڈیو پاکستان کوں ݙتے ڳئے خصوصی انٹرویو اچ انہاں آکھیے بھارتی حکومت کشمیر دی آبادیاتی ساخت کوں بدالݨ سانڳے ٻہوں سارے اقدامات تے عمل کریندی پئی اے جنہاں اچ خطے اچ غیر کشمیریاں دی آبادکاری اتے کشمیری زبان و ثقافت کوں دٻاوݨ شامل اے، اے پالیسیاں کشمیر کوں بھارتی مرکزی دھارے اچ ضم کرݨ دی وݙی حکمت عملی دا حصہ ہن، جیں توں کشمیری عوام دی وکھری شناخت اتے روایات مٹا ݙتیاں ویسن ۔ بھارت دے نام نہاد جمہوریت کوں زبردستی نافذ کرݨ تے دنیا دے سامݨے بے نقاب کیتا ویندا پئے۔ 5 اگست 2019 کوں آرٹیکل 370 اتے 35 اے دے جبری خاتمے تے بھارت دی نام نہاد جمہوریت کوں دنیا دے سامݨے بے نقاب کیتا ویندا پئے تے افسوس اے جو بھارت کشمیریاں دے تعلیمی، معاشی اتے شناختی استحصال اچ مصروف اے۔ مودی حکومت مقبوضہ کشمیر اچ آرٹیکل 370 تے 35 اے دے خاتمے دے ذریعے ہندوتوا اتے آر ایس ایس دے نظریے کوں پورا کیتے ۔اقوام متحدہ اتے سلامتی کونسل قرارداداں دے ذریعے بھارت دے کشمیر تے قبضے کوں غیر قانونی قرار ݙتے
