آزادی بنیادی حق اے، اساں ایں حق دے نال کھڑوں، کشمیر تے بھارت دے بلاجواز قبضہ مُکاوݨ اساݙا مشن اے، عطاء اللہ تارڑ

اسلام آباد۔5اگست  (اے پی پی) وفاقی وزیر اطلاعات، نشریات، قومی ورثہ تے ثقافت عطاء اللہ تارڑ آکھیا جو جموں تے کشمیر تے بھارت دے غیر قانونی قبضے دا کوئی جواز کائنی، بھارت پنڄ اگست 2019 دے اقدامات دے تحت آپݨے غیر قانونی قبضے اچ جموں تے کشمیر دی خصوصی حیثٰت ختم کیتی اتے کشمیری عوام تے ظلم کیتا۔ آزادی بنیادی حق اے، اساں ایں حق دے نال کھڑوں، کشمیر تے بھارت دے بلاجواز قبضہ مُکاوݨ اساݙا مشن اے۔ پاکستان دی حکومت کشمیری عوام دی اخلاقی، سیاسی اتے سفارتی حمایت کریندا رہسی۔ اے ڳالھیں انہاں سنوار کوں وفاقی وزیر امور کشمیر تے سیفران انجینئر امیر مقام دے رَلے یوم استحصال کشمیر بارے ڳالھ مہاڑ کریندیں ہوئیں آکھی۔ انہاں آکھیا جو وزارت امور کشمیر یوم استحصال کشمیر بارے خصوصی مہم چلائی اے اتے ہک عالیشان پروگرام کرائے جئیں تے وفاقی وزیر انجینئر امیر مقام دا شکریہ ادا کرینداں۔ انہاں آکھیا جو اگست 2019 دے غیر قانونی اقدامات دے تحت بھارت آپݨے غیر قانونونی قبضے جموں تے کشمیر دی خصوصی حیثیت ختم کیتی۔ نہتے کشمیریاں تے ظلم کیتا۔ بھارت ولوں ایں غیر قانونی بنیادی انسانی حقوق دی مسلسل خلاف ورزیاں تھیندیاں پئن۔ انہاں آکھیا جو وزیراعظم شہباز شریف پی ڈی ایم حکومت اچ وی اقوام متحدہ دی جنرل اسمبلی دے اجلاس توں خطاب اچ آکھیا ہئی جو کشمیری عوام کوں حق خودارادیت ݙتا ونڄے۔ اقوام متحدہ دی سکیورٹی کونسل دی قرارداداں تے عمل کیتا ونڄے۔ انہاں آکھیا جو بھارت پنڄ اگست 2019 دے اقدامات دے تحت آپݨے غیر قانونی قبضے اچ جموں تے کشمیر دی خصوصی حیثٰت ختم کیتی اتے کشمیری عوام تے ظلم کیتا۔ آزادی بنیادی حق اے، اساں ایں حق دے نال کھڑوں، کشمیر تے بھارت دے بلاجواز قبضہ مُکاوݨ اساݙا مشن اے۔ پاکستان دی حکومت کشمیری عوام دی اخلاقی، سیاسی اتے سفارتی حمایت کریندا رہسی۔ ایں موقع تے بھارت دے غیر قانونی قبضے جموں تے کشمیر اچ بھارتی ظلم تے ٻݨائی ڳئی ہک دستاویزی فلم وی ݙکھائی ڳئی۔