اسلام آباد۔5اگست(اے پی پی)سرائیکی وسیب دے نینگر سانگے علامہ اقبال دی شاعری اچ سنہیا لکیا ہوئے ۔۔اے گالھ ادیب لکھاری سید ضیاء الدین نعیم علامہ اقبال دیاں چونڑویاں نظماں دا (سرائیکی اچ ترجمہ ) بارے اے پی پی نال گالھ مہاڑ کریندے کیتی ۔ ادیب لکھاری سید ضیاء الدین نعیم اکادمی ادبیات پاکستان ولوں چھپنڑ آلی آپدی سرائیکی ترجمے دی کتاب علامہ اقبال کی منتخب نظمیں اچوں شاعری سنڑویندے آکھے جو اقبال دی شاعری ہمیش سانگے اے نینگراں کیتے سبق اے ۔ایندی فہرست اچ مسجد قرطبہ ، خضر راہ ، جواب خضر ، شمع اور شاعر ، جبریل و ابلیس ، محبت ، لالہ صحر، لینن ( خدا کے حضور میں ) ، حقیقت حسن ، پیوستہ رہ شجر سے امید بہار رکھ ، تے خطاب بہ جوانان اسلام اے ۔ڈاکٹر قاسم بگھیو دا آکھنڑ اے جو انھاں نظماں دی چونڑ اردو دے شاعر ڈاکٹر توصیف تبسم تے پروفیسر جلیل عالی کیتی ۔ڈوہاہیں صاحبان اقبال دی شاعری اچوں اے ڈاہ نظماں کڈھیاں ۔انھاں دی کوشش ہئی جو انھاں نظماں اچ اقبال دی شاعری دے سارے اسالیب تے افکار دی نمائندگی تھیوے۔
