اسلام آباد۔6اگست (اے پی پی) وفاقی وزیر قانون تے پارلیمانی امور اعظم نذیر تارڑ آکھیا جو آندے مہینے دے چھیکڑ تئیں پاسپورٹ پرنٹنگ دی صلاحیت ودھا تے روز 55 توں 60 ہزار تھی ویسی جئیں دے بعد پاسپورٹ دے اجراء اچ دیر دا مسئلہ حل تھی ویسی۔ منگل کوں قومی اسمبلی اچ آغا سید رفیع اللہ اتے سحر کامران دے پاسپورٹ دے اجراء اچ دیر بارے نوٹس دا ولدا ݙیندیں ہوعیں انہاں آکھیا جو 2004 اچ اوں ویلھے دی لوڑھ دے مطابق مشینری اتے سافٹ ویئر لاتا ڳئیا ہئی ہر ہݨ پاسپورٹ دی ڈیمانڈ ودھ تے ہر ݙینھ 45 ہزار تھی ڳئی اے۔ ایندے علاوہ مشنز دی تعداد وی 20 توں ودھ تے 92 تھی ڳئی اے اتے پاسپورٹ دے دفتر وی ودھ ڳئن۔ اینکوں ݙیکھدیں ہوئیں نویں مشینری اتے جدید پرنٹرز منڳواوݨ کیتے ٹینڈرز کر ڳھدے ڳئن۔ آندے مہینے ستمبر دے چھیکڑ تئیں اے سسٹم کم شروع ک رݙیسی جئیں دے بعد ہر ݙینھ 26 ہزار دی بجائے 55 توں 60 ہزار پاسپورٹ ٻݨݨ شروع تھی ویسن۔
