اسلام آباد۔6 اگست(اے پی پی)وزیراعظم محمد شہباز شریف پاکستانی اتھلیٹ ارشد ندیم کوں اولمپکس 2024 د جولین تھرو دے مقابلیاں دے فائنل رائونڈ اچ کوالیفائی کرݨ تے مبارک ݙتی اے۔ وزیراعظم آکھیے جو ارشد ندیم شاندار کارکردگی اتے انتھک محنت نال پوری قوم دے دل جت ڳھدن، انہاں دی محنت نینگراں کیتے مثال اے، مارچ 2024 اچ وزیراعظم ہائوس اچ ارشد ندیم نال مل تے وݙی خوشی تھئی ہئی، حکومت پاکستان اچ بین الاقوامی سطح دے مقابلیاں اچ حصہ ڳھنݨِ آلے کھلاڑیاں دی حوصلہ افزائی جاری رکھسی۔ وزیراعظم اولمپکس 2024 اچ ارشد ندیم دی کامیابی دی دعا کیتی اے۔
