جوڈیشل عدالت  ’’اے پی پی‘‘اچ کروڑاں روپےدے کرپشن کیس اچ نامزد ملزماں کوں  بئے ڈو ڈینھ دےجسمانی ریمانڈ تے ایف آئی اے دے حوالے کرڈتے

اسلام آباد۔6اگست(اے پی پی):ڈیوٹی جج جوڈیشل مجسٹریٹ محمد مرید عباس خان قومی خبر رساں ادارے ’’اے پی پی‘‘ اچ کروڑاں روپے مالیت دے کرپشن کیس اچ نامزد ملزمان کوں بئے ڈو ڈینھ دے جسمانی ریمانڈ تے ایف آئی اے دے حوالے کرڈتے۔ منگل کوں وفاقی تحقیقاتی ادارے ایف آئی آے دے اینٹی کرپشن سیل ایں ویلھے دے پراجیکٹ ڈائریکٹر محمد غواث خان،ڈپٹی ڈائریکٹر ‏ مصور عمران اتے چیف کمپیوٹر انجنیئر سعدمدثرکوں ترائے ڈینھ دا جسمانی ریمانڈ پورا تھیوݨ تے عدالت پیش کر تے موقف اختیار کیتاجو ملزماں دے بینک اکاؤنٹس دی جانچ پڑتال کرݨی اے،ملزماں دا ست ڈینھ دا  جسمانی ریمانڈ منظور کیتا ونجے ۔سماعت اچ اے پی پی دے لیگل ایڈوائزر معروف قانون دان  سردار یعقوب مستوئی ایڈووکیٹ دلائل ڈتن جو سارے ملزماں پروکیورمنٹ کمیٹی دے ممبر ہن اتے انھاں جعلی دستخطاں نال اے جی پی آر اچ 60چیک جمع کرائن۔سردار یعقوب مستوئی آکھے جو سرکاری ادارے اچ جعل سازی کر تے 124ملین روپے  داڈاکہ ماریا ڳئے، ملزماں توں سرکاری رقم رٌولا ڳھنݨ کیتے جسمانی ریمانڈ ڈتا ونڄے۔ عدالت فریقین دے دلائل توں بعد تریہے ملزماں کوں ٻیا ڈو ڈینھ دے  جسمانی ریمانڈ تے ایف آئی اے دے حوالے کرڈتے