اسلام آباد۔7اگست (اے پی پی) وزیر مملکت برائے انفارمیشن ٹیکنالوجی وٹیلی کمیونیکیشن شزہ فاطمہ خواجہ ڈیجیٹل پاکستان دے وژن بارے حکومت دے عزم دا اعادہ کیتا اتے آکھیا جو حکومت ڈیجیٹل پاکستان کیتے پرعزم، ملک کوں ترقی اتے خوشحالی دی راہ تے تورݨ کیتے ٹیکنالوجیز ضروری ہن۔ اے ڳالھیں انہاں بدھ کوں جی ایس ایم اے ولوں پہلی نیشنل ڈیجیٹل سمٹ توں خطاب کریندیں ہوئیں آکھی۔ انہاں ڈیجیٹل تبدیلی کوں یقینی ٻݨاوݨ کیتے وزیر اعظم شہباز شریف دی ہدایت تے کیتے ڳئے کماں تے روشنی پاتی۔ انہاں آکھیا جو اساݙا مقصد شہری اتے دیہاتی علاقیاں وچال ڈیجیٹض ونڈ ختم کرݨ، معیشت، گورننس اتے معاشرے کوں ڈیجیٹل کریندے پئیوں۔ ۔شزہ فاطمہ ملک دی معاشی ترقی اچ ٹیلی کام انڈسٹری دے اہم کردار کوں منیندیں ہوئیں آکھیا جو کوئی وی شعبہ انفارمیشن اینڈ کمیونیکیشن ٹیکنالوجی (آ ئی سی ٹی) دے بغیر ترقی نی کر سڳدا۔ حکومت ڈیجیٹل پاکستان کیتے پرعزم، ملک کوں ترقی اتے خوشحالی دی راہ تے تورݨ کیتے ٹیکنالوجیز ضروری ہن۔
