مظفرگڑھ۔ 07 اگست (اے پی پی) اڄوکے ساوݨ دے مینھ پاروں دریائے سندھ اچ پاݨی دی سطح مسلسل اُچی تھیوݨ لڳی اے ، ہیڈ تونسہ بیراج دی جاہ تے وچلے درجے دی چھل اے جیں پاروں نشیبی علاقے پاݨی دی وٹھ اچ آڳئن۔ ڈپٹی کمشنر سید منور عباس دی ہدایت تے اپ سٹریم عباس آلا سپرتے ڈاؤن سٹریم سپر 34 تے ریسکیو 1122دی طرفوں فلڈ ریلیف کیمپ بݨا ݙتے ڳئن ،اڄوکے ساوݨ دے مینھ پاروں دریائے سندھ اچ مسلسل پاݨی دی سطح اچ ودھارا ݙیکھݨ آندا پئے ،کوٹ ادو اچ ہیڈ تونسہ بیراج دی جاہ دریائے سندھ اچ درمیانے درجہ دی چھل جاری اے،جیں پاروں نشیبی علاقے زیرآب آ ڳئن ،جتھوں لوکاں تے مال ڈھور دے انخلا دا عمل جاری اے، ڈپٹی کمشنر کوٹ ادو سید منور عباس بخاری اسسٹنٹ کمشنر کوٹ ادو اصغر اقبال لغاری دے رلے ہیڈ تونسہ بیراج دا دورہ کیتا،انہاں چھل دی صورت حال تے لوکاں دے انخلا دے عمل دا جائزہ ڳھدا ایں موقع تے ڈپٹی کمشنرآکھیے ہیڈ تونسہ بیراج دی جاہ تے دریائے سندھ اچ وچلے درجے دی چھل جاری اے ۔ انہاں آکھیے چھل دی صورت حال نال نبݨݨ سانڳے ضلعی انتظامیہ دیاں تیاریاں مکمل ہن،سارے متعلقہ ادارے الرٹ ہن ڈپٹی کمشنر دے حکم تے چھل توں متاثرہ لوکاں دی مدد سانڳے ریلیف کیمپ بݨا ݙتے ڳئن ،انچارج ریسکیو ٹیم محمد اسامہ میڈیا نال ڳالھ کریندے ݙسائے ایں ویلھے ہیڈ تونسہ بیراج توں 4 لکھ 11 ہزار کیوسک پاݨی گزردا پئےتے دریائے سندھ اچ وچلے درجے دی چھل اے ۔ انہاں آکھیے ڈپٹی کمشنر دی ہدایت تے اپ سٹریم بنگلہ ہنجرائی جیں کوں عباس آلا بند آکھیا ویندے تے ڈاون سٹریم سپر 34 تے ریسکیو 1122 ریلیف کیمپ بݨا ݙتن،انہاں آکھیے کہیں وی اوکھی صورت حال نال نبݨݨ سانڳے ریسکیو 1122 دے جوان تیار ہن ساݙیاں ساریاں تیاریاں مکمل ہن تے متاثرین دے رلے ساݙیاں ٹیماں 24گھنٹے موجود ہن،انتظامیہ دی طرفوں کہیں حکم یا مقامی لوکاں دی طرفوں ایمرجنسی کال دی صورت اچ ریسکیو 1122 ٹیماں وختی حرکت اچ آویسن
