اسلام آباد۔7اگست(اے پی پی) وفاقی وزیر صنعت و پیداواررانا تنویر حسین نال پاکستان اچ امریکہ دے سفیر ڈونلڈ ارمین بلوم ملاقات کیتی اے جیں اچ ݙو پاسے تعلقات اتے سانجھی دلچسپی دے امور تے ڳالھ مہاڑ کیتی ڳئی ۔وزارت صنعت و پیداوارتوں جاری بیان موجب وفاقی وزیرآکھیے پاکستان امریکہ نال شراکت داری کوں قدر دی نگاہ نال ݙیکھدے ، ریسرچ اینڈ انڈومنٹ فنڈ اچ زرعی یونیورسٹی سانڳے امریکہ دے تعاون دی تعریف کریندوں ، امریکہ نال زرعی تعاون تکڑا کرݨ چاہندوں ، پیداوارودھاوݨ سانڳے زرعی ٹیکنالوجی دی منتقلی دی لوڑھ اے۔ رانا تنویر حسین آکھیے نویں پاکستانی زرعی مصنوعات کوں امریکی مارکیٹ تئیں رسائی ݙتی ونڄے۔ ڈونلڈ بلوم آکھیے پاکستان اچ سماجی اتے زرعی شعبے اچ تعاون جاری رکھیسوں ، پاکستان اچ یونیسیف نال رل تے غذائی قلت پروگرام تے کم کریندے پیوں ، پاکستان نال زرعی شعبے اچ تعاون ودھایا ویسی امریکہ زراعت تے موسمیاتی تبدیلی دے اثرات نال نبݨݨ سانڳے پاکستان دی مدد کریسی
