ڈھاکہ۔13اگست (اے پی پی) شیخ حسینہ واجد اتے انہاں دی انتظامیہ دے چھی سینئر عہدیداراں دے خلاف قتل دا مقدمہ درج کر ڳھدا ڳئے۔ اے ایف پی موجب بنگلہ دیش دی ہک عدالت منگل کوں سابق وزیر اعظم شیخ حسینہ اتے انہاں دی انتظامیہ دے چھی سینئر عہدیداراں دے خلاف گزریل مہینے ہنگامیاں اچ پولیس دے ہتھوں ہک شہری قتل دی تحقیقات دا حکم ݙے ݙتے۔ شیخ حسینہ واجد ، سابق وزیر داخلہ ، پارٹی دے جنرل سیکرٹری اتے سینئر پولیس افسراں دے خلاف مقدمہ دا اندراج ہک مقامی شہری ولوں وکیل مامون میاں ولوں کرایا ڳئے۔ اے ایف پی موجب ڈھاکہ میٹروپولیٹن کورٹ پولیس کوں حکم ݙتے جو او ملزماں دے خلاف قتل دا مقدمہ درج کرے جو بنگلہ دیشی قانون دے تحت مجرمانہ تفتیش دا پہلا مرحلہ اے۔ مقدمہ اچ شیخ حسینہ واجد دے وزیر داخلہ اسد الزمان خان اتے،عوامی لیگ دے جنرل سیکرٹری عبیدالقادر ، سابق پولیس انسپکٹر جنرل چودھری عبداللہ المامون ، ڈھاکہ میٹروپولیٹن پولیس دے سینئر افسران حبیب الرحمان اتے بپلوب کمار سرکار اتے پولیس دی جاسوسی برانچ دے سربراہ ہارون یا رشید شامل ہن۔
