سرینگر۔14اگست (اے پی پی) بھارت دے غیر قانونی زیر تسلط جموں و کشمیر اڄ کشمیریاں مودی حکومت دی سخت پابندیاں دے باوجودپاکستان دا یوم آزادی جوش تے جذبے نال منایا۔ کشمیر میڈیا سروس موجب وادی کشمیر اتے جموں خطے دے مختلف حصیاں اچ لوکاں پاکستان دا سبز ہلالی پرچم لہرایا، مختلف علاقیاں اچ لوکاں پوسٹر لاتے جئیں نال مملکت خداداد کوں اوندے یوم آزادی تے مبارخ ݙتی اتے کلمہ واحد دی بنیاد تے ٻݨݨ آلے مملکت کیتے آپݨی نیک خواہشات دا اظہار کیتا۔ لوکاں پاکستان دے حق اچ اتے بھارتی قبضے دے خلاف نعرے وی لاتے تحریک خواتین کشمیر دی رہنما حفضہ بانو مقبوضہ وادی کشمیر دے جنوبی ضلع اسلام آباد اچ ہک تقریب توں خطاب کریندیں ہوئیں اسلامی جمہوریہ پاکستان کوں مبارخ ݙتی۔ تقریب دے مقررین پاکستان دی سلامتی ، امن اتے ترقی کیتے دعا کیتی۔ ٻئے کئی حریت رہنماواں وی سری نگر اتے ٻئے علاقیاں اچ پاکستان دا یوم آزادی بھرپور طریقے نال منایا۔
