لندن ۔15اگست (اے پی پی) برطانیہ اچ عدالت ہک تریمت کوں مسیت دھماکے نال اݙاوݨ دا آن لائن سنیھا پوسٹ کرݨ دے اعتراف تے پندراں مہینے دی سزا سݨائی اے۔ انڈپینڈنٹ اردو دے مطابق 53 سالہ جولی سوینی 3 اگست کوں چرچ لاٹن، چیشائر اچ واقع آپݨے گھر توں مقامی کمیونٹی دے فیس بک گروپ تے اے تبصرہ کیتا جئیں دی اطلاع بعد اچ پولیس کوں کر ݙتی ڳئی۔ پوسٹ کرݨ دے بعد جولی سوینی پوسٹ کیتا جو مسیتاں دی حفاظت نہ کیتی ونڄے۔ مسیتاں کوں اوں ویلھے دھماکے نال اݙا ݙتا ونڄے جݙاں جو اوندے اچ بالغ موجود ہن۔ چیسٹر کراؤن کورٹ دے اعزازی ریکارڈر جج سٹیون ایورٹ سزا سݨیندیں ہوئیں آکھیا جو ایجھے نام نہاد بورڈ جنگجواں کوں آپݨے لفظ دے استعمال دی ذمہ واری ڳھݨا سکھݨا پوسی۔
