اسلام آباد۔15اگست (اے پی پی) کنٹرول لائن دے ݙوہیں پاسوں اتے پوری دنیا اچ کشمیری اڄ بھارت دے یوم آزادی کوں کالا ݙینھ دے طور منیندے پئن جئیں دا مقصد عالمی برادری کوں اے سنیھا ݙیوݨ اے جو بھارت جموں تے کشمیر تے طاقت تے قبضہ کیتا ہوئے اتے او علاقے اچ آپݨے یوم آزادی دی تقریبات کرݨ دا کوئی حق نی رکھیندا۔ کشمیر میڈیا سروس موجٻ مقبوضہ جموں تے کشمیر اچ اڄ مکمل ہڑتال اے جئیں پاروں وادی کشمیر اچ معمولات زندگی معطل ہن۔ لوکاں گھراں دی چھتاں اتے گلیاں اچ کالے جھنڈے لاتن۔ قابض بھارتی انتظامیہ لوکاں کوں بھارت دے خلاف احتاجی مظاہرے روکݨ کیتے وادی کشمیر کوں ہک فوجی چھاؤنی اچ بدل ݙتے۔ مقبوضہ کشمیر اچ بھارتی ظلم تے عالمی توجہ ڈواوݨ کیتے آزاد کشمیر، پاکستان اتے پوری دنیا دے دارالحکومتاں اچ وی احتجاجی ریلیاں کݙھی ویندی پئن۔
