اسلام آباد۔15اگست(اے پی پی)کابینہ دی اقتصادی رابطہ کمیٹی (ای سی سی) یوٹیلیٹی سٹورز کارپوریشن توں جاری مالی سال اچ وزیر اعظم ریلیف پیکیج کوں نظر ثانی شدہ قیمتاں اتے سبسڈی نال جاری رکھݨ اتے وئیرہائوسز و لاجسٹک دے شعبہ کوں صنعت قرار ݙیوݨ دی منظوری ݙتی اے۔ ای سی سی دا اجلاس وفاقی وزیر خزانہ ومحصولات سینیٹر محمد اورنگزیب دی اڳواݨی اچ تھئے جیندے اچ وزیر صنعت و پیداوار رانا تنویر حسین، وزیر تجارت جام کمال خان، وزیر نجکاری عبدالعلیم خان، ڈپٹی چیئرمین پلاننگ کمیشن، وفاقی سیکرٹریز اتے متعلقہ وزارتاں دے اعلیٰ حکام شرکت کیتی۔ ای سی سی وزارت صنعت وپیداوار وی یوٹیلیٹی اسٹورز کارپوریشن توں مالی سال 2024-25 کیتے وزیر اعظم ریلیف پیکیج کوں نظر ثانی شدہ قیمت اتے سبسڈی نال جاری رکھݨ دی تجویز دی منظوری ݙتی۔ اجلاس اچ وزارت صنعت و پیداوار ولوں وئیرہائوسز اتے لاجسٹک دے شعبہ کوں صنعت قرار ݙیوݨ دی درخواست دی وی منظوری ݙتی ڳئی۔
