ملتان ۔ 16 اگست (اے پی پی) کمشنر ملتان ڈویژن مریم خان واسا حکام کوں ساوݨ اچ الرٹ رہݨ دی ہدایت جاری کرݙتن ۔ کمشنرملتان ڈویژن ہدایت کیتی اے جو مینھ پاروں ساری مشینری فیلڈ اچ بھیڄی ونڄے ۔ انہاں آکھیے زور دے مینھ اچ واسا پاݨی کڈھݨ دا کم ہر صورت یقینی بݨاوے ، ساریاں اہم سڑکاں ، نشیبی علاقیں کوں مینھ دے پاݨی توں کلیئر کراون ۔ انھاں واسا کوں مشینری فنکشنل، ڈسپوزل تے جنریٹر دا انتظام کرݨ دا حکم ݙتے ، انھاں ضلعی افسراں کوں نکاسی آب دے عمل دی مانیٹرنگ دا ٹاسک ݙتے ۔ کمشنرملتان شہریاں توں اپیل کیتی جو مینھ دے موسم اچ حفاظتی تدابیر تے عمل کرن۔
